Un ano máis, a nosa biblioteca énchese de ciencia, curiosidade, experimentos e moitas ganas de aprender.
Temos preparadas un montón de actividades diferentes para que poidades explorar, investigar, experimentar e divertirvos. Hai propostas para todos os gustos: poderemos romper a cabeza para desentrañar retos imposibles, realizaremos diversos experimentos que vos axudarán a compender o mundo, construiremos estruturas ....
Todo isto non sería posible sen a colaboración e a implicación das compañeiras e compañeiros que prepararon as actividades con tanta ilusión. Moitísimas grazas a todas e a todos por facer posible esta celebración!
Atoparedes toda a información na porta da biblioteca e tamén no panel da exposición, onde está colocado o calendario coas actividades previstas. Botádelle unha ollada para non perder ningunha das propostas!
Tamén, como tódolos cursos preparamos unha exposición de libros relacionados coa ciencia, que coma sempre están á vosa disposición para que os levedes e, dunha forma amena, vos axuden a comprender un pouco máis este mundo no que vivides.
Lembrade: a ciencia está en todas partes, só hai que ter curiosidade e ganas de descubrir!
Agardámosvos!
Ningún comentario:
Publicar un comentario