MOCHILAS VIAXEIRAS DA IGUALDADE

Por este curso as nosas Mochilas Viaxeiras xa percorreron todas as casas do alumnado de 1º de ESO. Materiais informativos sobre os cambios na adolescencia, sexualidade, igualdade e outros materiais para axudar a nais e pais nesta etapa de cambios e para facer actividades en familia. 

 

AQUÍ HAI CANTEIRA!

En Brión temos excelentes deportistas que practican deportes que non sempre son ben coñecidos nin ocupan grandes titulares, neste vídeo temos algúns exemplos de xoves deportistas que contan como é a súa experiencia. 

Moi orgullosas/os deles/as!

        

23 FILÓSOFAS NO 2023

Aquí o resumo do vivido neste proxecto para visibilizar o pensamento de 23 mulleres filósofas: investigación, escolla de información, montaxe da exposición, realidade aumentada, encontro con Carme Adán, visita de alumnado a coñecer a exposición, xogar co kahoot e o quiz... moito aprendemos!

QUE CIENTÍFICAS SE AGOCHAN NESTES PUZZLES?

Escolas sen racismo en Radio emBRIÓN

 

Neste curso tivemos unha fantástica experiencia de aprendizaxe coa nosa radio: o alumnado de 1ºD tivo a sorte de contar cun obradoiro de radio para traballar contra todo aquelo que non nos gusta: o machismo, o racismo, as desigualdades...

 

Contamos con experiencia e o saber facer de Rocío Cadahía que nos guiou para que esta fora unha magnífica experiencia. Moitas grazas!

 

Queremos repetila o próximo curso!

Podes ver e escoitar o resultado deste traballo premendo aquí. Moitos parabéns a este alumnado e profesorado tan implicado!

E non deixedes de escoitar a nosa Radio emBRION