23 FILÓSOFAS NO 2023

Aquí o resumo do vivido neste proxecto para visibilizar o pensamento de 23 mulleres filósofas: investigación, escolla de información, montaxe da exposición, realidade aumentada, encontro con Carme Adán, visita de alumnado a coñecer a exposición, xogar co kahoot e o quiz... moito aprendemos!

ENCONTRO CON LEDICIA COSTAS

 No marco do programa do Ministerio de Cultura y Deporte "Encuentros con autores" tivemos a sorte de recibir a visita de Ledicia Costas, autora de cabeceira de moitas e moitos de nós, tanto adultos como peques. Desta volta foi o alumnado de 1º de BAC quen compartiu con ela as impresións sobre o libro "Infamia" e tamén sobre o resto da súa obra, o seu proceso de escrita e outras moitas cuestións que foron xurdindo na conversa.

Tamén tivemos ocasión de facerlle unha pequena entrevista que pronto escoitaredes na nosa Radio emBRION, polo de agora tan só nos queda agradecerlle a Ledicia a xenerosidade e seguir lendo os seus libros!

VISITA LEDICIA COSTAS

 

OBRADOIRO DE RUBIK

 Os luns de decembro temos unha actividade moi especial: nos recreos poderemos aprender como resolver o cubo de rubik. 

José será o noso profesor e guiaranos para resolver este quebracabezas!

PRÉSTAMO ESPECIAL VERÁN

 

RECORDA DEVOLVER OS LIBROS

 

SEMENTANDO LECTURAS: CONSEGUÍMOLO!

 As nosas lectoras e lectores poden estar orgullosas: ler sementa vida! 

E somos as madriñas e padriños orgullosos das novas plantas e árbores que temos. 

Do día do libro ao día da biodiversidade só hai un chanzo.

 Parabéns!!!

            

GRAZAS LECTORXS!: AS VOSAS LECTURAS SEMENTAN VIDA!

 

ENCONTRO CON IRIA E SELENE!

 

SEMENTANDO LECTURAS!

Este mes de abril é o mes dos libro e para nós vai ser moi especial: por cada préstamo que collas na biblioteca, daremos un vale que introduciredes nunha furna. Cantos máis vales consigamos máis plantas poderemos obter e plantar nos espazos do noso centro. 

Axúdanos a conseguilo!

 

A BIBLIOTECA BUSCA INFORMANTES!

 

COÑÉCELAS? 10 ESCRITORAS IMPRESCINDIBLES

 Nun fantástico traballo promovido pola biblioteca e realizado polo alumnado de Literatura Universal de 1º BAC nesta semana do 8 de marzo queremos visibilizar tamén a mulleres que abriron camiños na literatura e que debemos coñecer. 

E ti, coñecelas?

COFFEE BREAKS WITH VIDUSHI

O próximo martes estreamos os nosos "Coffee breaks with Vidushi". Martes e xoves no primeiro recreo estará na biblioteca agardando por vós para ter unha charla informal. 

Non te retrases porque quedarás sen sitio!

 

OLIMPÍADA DE BIÓLOGAS: ABERTAS AS INSCRICIÓNS!

 

SEMANA DE XAPÓN

Aínda que non podemos movernos como quixeramos, a biblioteca permete que viaxemos a través dos libros e dedicimos ir ata Xapón! 

Mangas si, pero moito máis! guías de viaxe, Xapón en emojis, guía para otakus e banda deseñada de autores xaponeses e non xaponeses para todos os gustos!  

 

CORRELINGUA CON LUCIA ALDAO!

Tivemos unha visita de luxo: Lucía Aldao visitou o noso centro para compartir unha sesión co grupo de 2ºC. 

Entre todxs reflexionamos sobre a lingua e fixemos aportacións para o manifesto do CORRELINGUA.

Tamén tivemos ocasión de facerlle unha pequena entrevista na nosa radio! Podedes escoitala en Radio emBRION!:

Entrevista a Lucía Aldao

A BIBLIOTECA ÉNCHESE DE CONSTRUCIÓNS!

 Nesta semana os retos foron de construcións pero de moi distinto tipo: aprendemos a facer construcións autoportantes e tamén aprendemos a reconstruír a estrutura do ADN. Os resultados son impresionantes!

PRÉSTAMOS DE VERÁN

 

ESTAMOS "CONECTADAS"!

 Sabedes que estamos CONECTADAS!?? 

    Seguro que xa coñecedes o gran proxecto creado polo alumnado de 2º de Bacharelato nas materias de TIC II e Tradución para a participación na 5ª edición de Wisibilízalas cos obxectivos de dar visibilidade a mulleres do noso entorno, promocionar ámbitos STEAM e o traballo en grupo a través das TIC.

    Rompendo estereotipos e visibilizando referentes femininos, das que no noso instituto estamos orgullosxs de ter unhas cantas, a que si? Podes coñecelas na magnífica web que fixeron CONECTADAS

NARRATIVAS DIXITAIS: GRAN EXPERIENCIA CON EPDLAB

 Ao longo do curso vimos desenvolvendo co bo facer e mediación de AGARESO, un proxecto para sensibilizar sobre distintas problemáticas: igualdade, consumo, desigualdades sociais e territoriais, fake news, etc, onde se aprenden a utilizar novas ferramentas dixitais. 

Demos conta das distintas actividades nas contas de instagram e twitter e agora tamén tedes unha pequena exposición na biblioteca onde se mostran algúns exemplos do traballo realizado. 

Parabéns ao grupo de 2º C pola implicación e os resultados!