Interésanche os libros, as lecturas, as actividades que facemos na biblioteca? Entón es a persoa que buscamos: alguén con ganas de colaborar nas actividades comúns e que se comprometa a realizalas.
Formaremos un grupo de voluntarias/os, queres formar parte?
SE queres máis información, pregúntanos ou vén à reunión que teremos o próximo venres 11 no 2º recreo na biblioteca.
Vén e forma parte do grupo!
A nosa compañeira e alumna de 2º ESO, Noa de Blas Sánchez, gañou o premio da súa categoría no Certame Francisco Añón de poesía organizado polo concello de Outes.
Cun poemario titulado "Apertas plastificadas", o xurado valorou a súa visión positiva da crise sanitaria como un tempo para a reflexión, para aprendermos a apreciar as cousas.
E nós queremos felicitar a Noa e desexarlle que continúe escribindo con estes éxitos
Parabéns, Noa!
Agora que xa sabes cal é a técnica do origami, propoñémosche un reto: contar unha historia utilizando os origamis. Pode ser un relato, unha escea teatral, unha poesía.... o que ti queiras! Podes inspirarte nun origami e facer a túa obra, ou ben crear primeiro a túa obra e logo escoller un ou varios origamis que a ilustren.
Cando a teñas feita, ensínalla ao teu/túa profesor/a e tráenola á biblioteca, teremos preparada unha ficha de presentación e os mellores relatos gravarémolos para ser emitidos pola radio e ser escoitados a através de códigos QR. Con todas as obras faremos un álbum dixital
Non deixes pasar esta ocasión!
Non perdades este video realizado polo alumnado de música na que lle poñen voz ao libro de Fina Casalderrey
"Ola, estúpido monstro peludo". Escoitádeo atentamente porque con él vai a nosa achega a este día 25 de novembro,
Día pola eliminación da violencia contra as mulleres
Neste mes de novembro xurde unha iniciativa á que nos queremos suma, xa que estamos traballando co origami: #navegaenigualdade. Podes ver o conto de "Sira e a illa. Como mudar o mundo cunha barquiña de papel" de Pamira Castro, unha narración poética apta para todas as idades onde nos propoñen facer as nosas barquiñas e contalo. Anímaste a facer a túa barquiña para @navegarenigualdade?
Aínda que neste ano non puidemos facer festa nin comer castañas todxs xuntxs, si que puidemos recomendar algunhas lecturas terroríficas! Aquí tedes algunhas imaxes de como quedou a nosa biblio coa irrupción de meigas, fantasmas, monstros e demais!
No Departamento de Tecnoloxía do IES de Soutomaior, Saínza Martínez elaborou unha infografías moi práticas que nos poden axudar moito a manexarnos en tarefas frecuentes que cada vez máis temos que realizar cos nosos ordenadores. Podes descargalo en pdf aquí.
Moitas grazas por este traballo e por compartilo e poñelo á disposición da comunidade a través de Aulas galegas
Aquí temos unha selección de recursos sobre origami. Xa non tes excusa para non probar!
Como sabedes, este ano o autor homenaxeado no Día das Letras Galegas é Ricardo Carvalho Calero e a partir desta semana podedes ver na biblioteca unha exposición de publicacións do autor, escollidas e cedidas por Suso Sambade para que poidades apreciar a variedade da súa produción, tanto no eido literario como na investigación.
