DO LIBRO À PANTALLA: RECOMENDACIÓNS LECTORAS

Aquí tedes as nos recomendacións lectoras: dos libros ás pantallas!

Libros que teñen a súa versión audiovisual e aos que podedes acceder nos dous formatos, algunhas veces sendo moi fieis á versión orixinal e outras con notables cambios. 

Aproveitade as vacacións para ler ou ver algunha destas obras!

 

Libros que teñen a súa versión audiovisual e aos que podedes acceder nos dous formatos, algunhas veces sendo moi fieis á versión orixinal e outras con notables cambios. Aproveitade as vacacións para ler ou ver algunha destas obras!

 

HAI UN CÓMIC PARA TI: E TÉMOLO NA BIBLIOTECA!

 Gústannos os cómics e seguro que aínda hai algún que non descubriches. Témolos de todos os estilos e de todos os temas: historia, fantasía, amor, ciencia... Vén e escolle a túa lectura de decembro!

RECOMENDACIÓNS LECTORAS PARA O VERÁN

Hai que ir preparándose para as vacacións e o mellor e ir acompañadas/os dunhas boas lecturas. Aquí van algunhas suxestións pero tedes outras moitas para levar no préstamo especial do verán. 

Leva compañía!

AGASALLA LECTURAS NESTAS VACACIÓNS

 Nestas vacacións que xa chegan.. agasalla lecturas! Aquí propoñémosche algunhas pero tes moitas máis entre as novidades expostas. Que mellor forma agasallar e agasallarte que cunha boa lectura que nos faga soñar, viaxar, entrar noutros mundos, coñecer máis o noso, imaxinar outras realidades…. A que agardas?

 Vén a pola túa lectura!

RECOMENDACIÓNS LECTORAS: LECTURAS CON-CIENCIA

 Despois de pasar este mes con actividades científicas, que mellor que dedicar as nosas recomendacións ás Lecturas Con-Ciencia:

lecturasconciencia 

ESTAMOS "CONECTADAS"!

 Sabedes que estamos CONECTADAS!?? 

    Seguro que xa coñecedes o gran proxecto creado polo alumnado de 2º de Bacharelato nas materias de TIC II e Tradución para a participación na 5ª edición de Wisibilízalas cos obxectivos de dar visibilidade a mulleres do noso entorno, promocionar ámbitos STEAM e o traballo en grupo a través das TIC.

    Rompendo estereotipos e visibilizando referentes femininos, das que no noso instituto estamos orgullosxs de ter unhas cantas, a que si? Podes coñecelas na magnífica web que fixeron CONECTADAS

RECOMENDACIÓNS LECTORAS: LIBROS CON ORGULLO

 Para este xuño e este fin de curso onde xa se sinte o verán, decidimos dedicar as nosas recomendacións lectoras ao mes do orgullo LGTBI: poesía, cómic, narrativa... para todos os gustos e todas as idades, para normalizar, aprender, respectar, coñecer e que cadaquén se sinta libre de expresarse como é. 

 

LAS SINSOMBRERO

 Sabedes quen foron "Las sinsombrero"?

 A xeración do 27 non se podería entender sen elas. Preme na imaxe e investiga a súa historia!

NOVO ANO, NOVAS LECTURAS

Para este novo ano que comeza, estreamos novas lecturas: moita ciencia pero tamén historia e as novidades de narrativa e poesía en galego... tes onde elixir! 

Vén pola biblioteca e escolle ;)

              

RECOMENDACIÓNS LECTORAS: LECTURAS DIVERSAS PARA XENTE DIVERSA

Non marches sen levar para casa algunha das nosas recomendacións ou outras novidades!: 

LECTURAS DIVERSAS PARA XENTE DIVERSA

 

USOS BÁSICOS DAS TIC

 No Departamento de Tecnoloxía do IES de Soutomaior, Saínza Martínez elaborou unha infografías moi práticas que nos poden axudar moito a manexarnos en tarefas frecuentes que cada vez máis temos que realizar cos nosos ordenadores. Podes descargalo en pdf aquí.

Moitas grazas por este traballo e por compartilo e poñelo á disposición da comunidade a través de Aulas galegas

CELEBRAMOS O 28 DE XUÑO: DÍA DO ORGULLO LGTBI

Para este Día do Orgullo LGTBI, nada mellor que celebralo cunha nova publicación. 

Neste caso vén da man do Consello da Cultura Galega e é unha banda deseñada realizada por Xulia Vicente que relata a historia de Elisa e Marcela coa intención de visibilizar a vida destas dúas mulleres, xa reconstruida parcialmente nun libro escrito por Narciso de Miguel e que podedes atopar na biblioteca.

Este cómic podedes lelo en liña ou descargalo aquí

Podedes ver como se fixo o cómic neste making of:

LECTURAS DE VERÁN

E aquí temos as nosas recomendacións lectoras para este verán: cómic, novelas de intriga, poesía, ensaio, arte... todo o que se che ocorra e máis para pasar este verán en boa compañía!

E tamén o podes ver na nosa canle de youtube: https://youtu.be/qehci2B3vwE

PRÉSTAMO ESPECIAL VERÁN

Non marches de vacacións sen unha boa lectura... ou tres! Aproveita que ves devolver os libros para coller ata tres novas lecturas... estaremos o xoves 25, venres 26, luns 29 e martes 30 de 9:00 a 14:00 na biblioteca. Aproveita a ocasión!

INSPIRACIENCIA:CONCURSO DE RELATOS DE INSPIRACIÓN CIENTÍFICA

Imaxinando a ciencia desde a ficción, utilizando a creación literaria como unha forma de achegamento ao pensamento cienctífico, este concurso esta esperando polas vosas creacións.

O concurso ten dúas categorías: adulto (a partir de 18 anos) e mozo (de 12 a 17 anos) e nunha única modalidade de relato curto (máximo 800 palabras). Podes ler as bases completas aquí e a información completa premendo na imaxe

BOOKTUBERS LIBRIIONESXS "O BESTIARIO CIENTÍFICO DE ANXOS NOGUEIROSA"

Aquí temos unha nova entrega dos nosos booktubers favoritos: as/os do noso club de lectura "LiBRIONesxs". 

Se queredes saber que leron e que lles pareceu, preme o play!  

CURSO DE BANDA DESEÑADA CON XOSÉ TOMÁS E KIKO DA SILVA

Dous grandes autores de cómic: Xosé Tomás e Kiko da Silva aproveitaron o confinamento para animarnos a que aprendamos sobre banda deseñada. Ofrecémoste o primeiro video e o segundo aquí. E Kiko da Silva ofrece a súa primeira lección aquí.

LITERATURA GALEGA EN YOUTUBE

Hoxe traémosvos un recurso que vos pode ser útil para repasar Literatura Galega, sobre todo se estades preparando as ABAU ou simplesmente pasar un bo momento mentres aprendemos algo. 

A canle de @neeumatiko é un bo exemplo de #youtubeiros #youtubeiras que fan un excelente traballo. Presentámosvos o primeiro video pero tedes ata nove revisando esta materia

PSEUDÓNIMOS DE CARVALHO CALERO EN GENIALLY

Hoxe presentámosvos un recurso moi acaído para esta semana das Letras Galegas sobre os pseudónimos utilizados por Ricardo Carvalho Calero na súa obra.
Se premes na imaxe accederás a unha máquina de pin-ball onde poderás coñecer todos eles.

TELEXORNAL CARVALHO CALERO

Un ano máis, os nosos compañeiros do CPI de Rois realizaron un magnífico telexornal dedicado ao protagonista do Día das Letras Galegas, Ricardo Carvalho Calero. Non perdades este divertido e rigoroso traballo de divulgación!