OBRADOIRO NARRACIÓN ORAL

 Estas semanas temos a sorte de contar coa gran Sole Felloza que imparte un obradoiro de narración oral co alumnado de oratoria grazas ao programa de Radio na biblio. 

Un gran sorte aprender dela!

FACEMOS UN EQUIPO DE RADIO: QUERES FORMAR PARTE?

 

FALAMOS DE NÓS EN RADIO EMBRION

No marco do proxecto "Coidamos do noso, coidamos de nós" quixemos coñecernos máis porque sabemos que moitos e moitas de vós facedes cousas ben interesantes e que paga a pensa que o resto as coñeza. Entrevistamos a Laura, a Noa, a Eirena, a parte das integrantes do noso "Teatro das maniotas" e tamén tivemos unha programa ben interesante sobre lgtbi no mes do orgullo. 

Orgullo de todas vós que en distintos ámbitos sodes tan brillantes!

O próximo curso, queremos coñecerte!

QUEREMOS COÑECERTE!

 

25N: "Non queremos ser valentes, queremos ser libres"

Dicimos non á violencia de xénero sumando voces en todas as linguas que se utilizan na nosa comunidade educativa: galego, castelán, inglés, francés, latín, polaco, sueco, asturianu, euskera, catalán, portugués, italiano e alemán. Porque en todas as linguas debemos dicir claramente que non nos dá igual, que non queremos ser valentes, queremos ser libres.

Grazas a  Iria, Irene, Lorenzo, Laura, Minia, Yago, Catuxa, Dylan, Aldara,Irene, Óscar, Esther e Tomás por darlle voz ao noso berro 

CORRELINGUA CON LUCIA ALDAO!

Tivemos unha visita de luxo: Lucía Aldao visitou o noso centro para compartir unha sesión co grupo de 2ºC. 

Entre todxs reflexionamos sobre a lingua e fixemos aportacións para o manifesto do CORRELINGUA.

Tamén tivemos ocasión de facerlle unha pequena entrevista na nosa radio! Podedes escoitala en Radio emBRION!:

Entrevista a Lucía Aldao

Escolas sen racismo en Radio emBRIÓN

 

Neste curso tivemos unha fantástica experiencia de aprendizaxe coa nosa radio: o alumnado de 1ºD tivo a sorte de contar cun obradoiro de radio para traballar contra todo aquelo que non nos gusta: o machismo, o racismo, as desigualdades...

 

Contamos con experiencia e o saber facer de Rocío Cadahía que nos guiou para que esta fora unha magnífica experiencia. Moitas grazas!

 

Queremos repetila o próximo curso!

Podes ver e escoitar o resultado deste traballo premendo aquí. Moitos parabéns a este alumnado e profesorado tan implicado!

E non deixedes de escoitar a nosa Radio emBRION

OBRADOIRO DE RADIO

Non sabes que facer polas tardes? 

Vén facer radio con nós participando no obradoiro de radio que faremos no mes de abril.

Os mércores 14, 21 e 28 de abril e o 5 de maio de 16:30 a 18:00

Aprenderás a facer entrevistas, a dar a túa opinión e preguntar aos demais, a traballar en equipo... unha radio escolar para mellorar o mundo!

Anótate na biblioteca antes do 25 de marzo, as prazas son limitadas e atenderáse á orde de inscrición

 

OBRADOIRO DE RADIO CON CHARO PITA

 Xa comezamos o noso obradoiro de radio deste ano! E cunha convidada de luxo: a escritora, actriz, narradora Charo Pita vai acompañarnos durante catro sesións onde traballaremos as nosas habilidades de dicción e expresividade... quen sabe! Se cadra ao final podemos ensinarvos unha pequena mostra deste experiencia!

Origami na biblio: un trimestre de actividades

Neste primeiro trimestre do curso andivemos, como sabedes, a voltas cos origamis. 

E aquí tedes o resumo en imaxes!

Todos os relatos podedes escoitalos premendo aquí

ENTREVISTA CON VERO BOQUETE

Premendo na ligazón podedes escoitar a entrevista íntegra que lle fixeron Claudia, Martín, Ángela e Carolina a Vero Boquete con Pablo e Rubén na mesa de son.







Unha entrevista fantástica na que, despois de documentarse e elaborar as preguntas, aproveitaron para preguntarlle a Vero todas aquelas cousas que xurdiran das súas pesquisas. 
Moitas grazas, Vero!

A nosa radio: radio emBrión

A nosa radio EmBrión volve ás ondas un ano máis!
Xa temos moitas candidatas e candidatos a formar parte do equipo técnico... pero agárdanos moitas sorpresas... queres unirte a nós? 
Vén á biblioteca e pregúntanos.