Celebramos este 8 M cunha homenaxe a Lidia, mestra poa que pasaron varias xeracións de brioneses/as e que este ano se despide de nós. Unha emocionante conversa co alumnado que serviu para agradecerlle o vivido.
O 8 de marzo tamén son os coidados e o recoñecemento daquelas que abriron camiños e seguen alentando o camiño das demais.
.jpg)
No día das mulleres, as mulleres no centro.
O alumnado de expresión artística sumouse á celebración do 8 de marzo poñendo de relevo mulleres senlleiras en distintos campos e épocas utilizando a técnica do fotobordado. Non a perdades!
.jpg)
.jpg)
Aquí o resumo do vivido neste proxecto para visibilizar o pensamento de 23 mulleres filósofas: investigación, escolla de información, montaxe da exposición, realidade aumentada, encontro con Carme Adán, visita de alumnado a coñecer a exposición, xogar co kahoot e o quiz... moito aprendemos!
Canto sabes das filósofas que che propoñemos? Para probar ou ampliar os teus coñecementos propoñémoste este kahoot.
Atréveste?
Preme na imaxe e xoga!
Neste 8 M presentamos un traballo interdisciplinar realizado polo alumnado de 1º de Bac que nos vai dar que pensar: mulleres que moveron e moven o mundo, creadoras de pensamento e cuestionadoras de ideas: mulleres filósofas Que mellor forma de celebrar o 8 de marzo que poñendo en valor estas mulleres que malia súa valía non figuran aínda no canon filosófico?. Ademais teremos un encontro cunha delas: Carme Adán, filósofa, ensaísta, profesora, membro do Consello da Cultura Galega e autora do último manifesto da AELG no día de Rosalía terá un encontro co alumnado que estivo traballando neste tema e realizando a instalación con realidade aumentada que poderemos ver nesta semana na biblioteca. Non a perdades!
Felices estamos coa nova do concurso de traballos por proxectos na que o traballo presentado pola nosa biblioteca foi premiado!
Un traballo promovido pola biblioteca e realizado o pasado curso polo alumnado de 1º de Bac na materia de Literatura Universal e María, a súa profesora.
Seguro que recordades a estas mulleres imprescindibles:
Seguro que xa as coñeces porque viches os fantástios paneis informativos que fixo o alumnado de literatura universal. pero... vas acertar todas as preguntas sobre elas?
Ponte a proba!
Nun fantástico traballo promovido pola biblioteca e realizado polo alumnado de Literatura Universal de 1º BAC nesta semana do 8 de marzo queremos visibilizar tamén a mulleres que abriron camiños na literatura e que debemos coñecer.
E ti, coñecelas?
Máis de 30 equipos participando e finalmente dous equipos gañadores ex-aequo!:
1º PREMIO
Equipo Pareja <3
Martina Sambade Formoso
Eirena Souto Pazó
Equipo Leididí
Nerea Paradelo Álvarez
Unai Peral Fernández
Álvaro Francos Martínez
Sabedes quen foron "Las sinsombrero"?
A xeración do 27 non se podería entender sen elas. Preme na imaxe e investiga a súa historia!
Nós tamén celebramos o 8 de marzo!
Desde a semana pasada foron chegando propostas de lemas para este 8 de marzo con distancia pero coa convicción de que sigue sendo imprescindible reivindicar un mundo de iguais. Aquí tedes unha mostra do que foi o noso photocall!
Nesta semana todos os recreos estarán ocupados coas nosa "Olimpíada de Químicas": 10 preguntas, dúas cada día e máis de 30 equipos participantes!
Para axudarvos coas respostas, aquí tedes uns fantásticos cartaces elaborados pola profesora Marta Elena Aguirre, a quen lle agradecemos o seu traballo. Vanvos ser de moita utilidade!
Preparadas, listas...xa!
