COFFEE BREAKS WITH VIDUSHI

O próximo martes estreamos os nosos "Coffee breaks with Vidushi". Martes e xoves no primeiro recreo estará na biblioteca agardando por vós para ter unha charla informal. 

Non te retrases porque quedarás sen sitio!

 

OLIMPÍADA DE BIÓLOGAS: ABERTAS AS INSCRICIÓNS!

 

DÍA DA MULLER E A NENA NA CIENCIA: ASTRÓNOMAS

 Xa quecendo motores para comezar as actividades do Día da Muller e a nena na ciencia, o alumnado de Cultura Científica estivo traballando duro recompilando información sobre algunhas mulleres excepcionais: todas tiveron un papel moi relevante na astronomía ao longo da historia. 

Queredes coñecelas? Aquí están estes magníficos traballos!

INFOGRAFIAS PILABOT: TRABALLANDO COA INFORMACIÓN EN TECNOLOXÍA

 O alumnado de 3º ESO fixo un magnifico traballo de tratamento da información na materia de tecnoloxía coa súa profesora Luz. Aquí tedes as infografías que tamén tivestes ocasión de ver impresas na biblioteca. 

Magnífico traballo!! 

PILABOT

Hoxe puxémonos as pilas! 

Demos comezo á campaña PILABOT de recollida de pilas cunha sesión informativa co alumnado de 3º ESO que serán os encargados/as de dinamizar esta campaña. Temos un contedor na porta da biblioteca para ir xuntando o que se recolla en cada clase.

Teremos recipientes en cada clase e nos lugares comúns para ir deixando as pilas que vaiamos traendo e tamén posters informativos na biblioteca explicando a campaña e como podemos colaborar coa reciclaxe e oitar contra a contaminación e a degradación do medio ambiente

E ti, colaboras?

 

SEMANA DE XAPÓN

Aínda que non podemos movernos como quixeramos, a biblioteca permete que viaxemos a través dos libros e dedicimos ir ata Xapón! 

Mangas si, pero moito máis! guías de viaxe, Xapón en emojis, guía para otakus e banda deseñada de autores xaponeses e non xaponeses para todos os gustos!  

 

HORA DE LER

 Comezamos o novo trimestre e retomamos a nosa hora de ler en 1º de ESO, con caixas de libros renovadas en cada aula e o novo calendario para que ninguén se despiste!

RECOMENDACIÓNS LECTORAS: LECTURAS CON-CIENCIA

 Despois de pasar este mes con actividades científicas, que mellor que dedicar as nosas recomendacións ás Lecturas Con-Ciencia:

lecturasconciencia 

MES DA CIENCIA EN GALEGO NA BIBLIOTECA

Neste pasado mes de novembro, a nosa biblioteca estivo chea de actividade! 

Todas as semanas con propostas de retos, lecturas e aprendizaxes varias nas que participou alumnado de todos os niveis e nas que uns aprendimos doutras e viceversa. 

Foron unhas semanas magníficas que temos que agradecer ao alumnado e profesorado que participou. Aqui tedes o resumo!

PEDRAS, CREBACABEZAS, XOGOS DE ESTRATEXIA...

 Xa encetando a fin deste mes tan activo, as nosas actividades de ciencia en galego tiveron como protagonistas as palabras e adiviñas, as pedras e minerais e as mates para deducir as mellores estratexias!

25N: "Non queremos ser valentes, queremos ser libres"

Dicimos non á violencia de xénero sumando voces en todas as linguas que se utilizan na nosa comunidade educativa: galego, castelán, inglés, francés, latín, polaco, sueco, asturianu, euskera, catalán, portugués, italiano e alemán. Porque en todas as linguas debemos dicir claramente que non nos dá igual, que non queremos ser valentes, queremos ser libres.

Grazas a  Iria, Irene, Lorenzo, Laura, Minia, Yago, Catuxa, Dylan, Aldara,Irene, Óscar, Esther e Tomás por darlle voz ao noso berro 

CORRELINGUA CON LUCIA ALDAO!

Tivemos unha visita de luxo: Lucía Aldao visitou o noso centro para compartir unha sesión co grupo de 2ºC. 

Entre todxs reflexionamos sobre a lingua e fixemos aportacións para o manifesto do CORRELINGUA.

Tamén tivemos ocasión de facerlle unha pequena entrevista na nosa radio! Podedes escoitala en Radio emBRION!:

Entrevista a Lucía Aldao

PALABRAS E CIENCIA