Para este xuño e este fin de curso onde xa se sinte o verán, decidimos dedicar as nosas recomendacións lectoras ao mes do orgullo LGTBI: poesía, cómic, narrativa... para todos os gustos e todas as idades, para normalizar, aprender, respectar, coñecer e que cadaquén se sinta libre de expresarse como é.
Desta volta é Eva quen nos recomenda unha lectura na nosa sección de "Lecturas en igualdade":
"Senlleiras" de Antía Yáñez
"Que agocha o perfecto e branquisimo sorriso dunha influencer?
Descúbreo nesta novela que nos achega á vida de varias mulleres coincidentes no lugar pero non no tempo e que, malia as diferenzas que as separan permanecen unidas por un forte lazo:a vontade de ser donas das suas propias vidas.
A escritora mariñá Antía Yánez tráenos este relato de historias cruzadas que nos fai reflectir, entre outras moitas cousas, en como o fin da violencia machista non é unha cuestión de tempo. Porque a historia non a escrebe o mero paso dos anos, escribímola todos e todas nós cos nosos actos"
Ao longo do curso vimos desenvolvendo co bo facer e mediación de AGARESO, un proxecto para sensibilizar sobre distintas problemáticas: igualdade, consumo, desigualdades sociais e territoriais, fake news, etc, onde se aprenden a utilizar novas ferramentas dixitais.
Demos conta das distintas actividades nas contas de instagram e twitter e agora tamén tedes unha pequena exposición na biblioteca onde se mostran algúns exemplos do traballo realizado.
Parabéns ao grupo de 2º C pola implicación e os resultados!
Porén, tamén sabemos que recibimos demasiada información e non poucas veces nos custa discernir aquilo que é verdadeiro do que non o é. Precisamente nestes tempos de pandemia vimos como a información enganosa pode afectar gravemente á nosa saúde. As chamadas “fake news” gañaron un protagonismo insólito deixándonos moi indefensos en algo tan importante como o coidado das nosas vidas.
QUE NON CHE CONTEN CONTOS pretende chamar a atención de todos e todas as que conformamos o IES de Brión para algo fundamental: a nosa saúde tamén depende dunha información veraz e contrastada.
Para iso, fixemos un auténtico traballo de investigación xornalística. Mergullámonos na rede para seleccionar as informacións máis viralizadas sobre a COVID-19, redactamos textos e locutámolos na radio coa inestimable axuda do Equipo da Biblioteca. Por se fora pouco, tamén aprendemos a editar os nosos propios audios locutados e fixemos os cartaces que aquí vos expoñemos.
Agardamos que todo este traballo sexa de proveito non só para nós senón para todo o IES de Brión.
Podes escoitar todas as fake news premendo aquí
Desta volta é Teresa, profesora de Física e Tecnoloxía quen nos fai a recomendación lectora:
de David Walliams
Moi recomendable para rapaces e rapazas de 12 a 14 anos. O protagonista é Dennis que vive nunha casa aburrida, nunha rúa aburrida e nunha cidade aburrida e encántalle o fútbol, aínda que tamén ten outra paixón que trata de ocultar: ver series, revistas de moda e poñerse vestidos. Cando un comeza a seguir os seus soños as cousas nunha volven ser iguais...
Espero que vos guste, na nosa casa gustounos moito!
Non deixan de chegar alegrías!. A nosa proposta de "Ovos literarios" foi unha das seleccionadas na proposta de "CREAcción 2021" das Bibliotecas Escolares de Galicia. E como agasallo chegounos un lote de libros que xa temos á vosa disposición na biblioteca.
A pasada semana a ANPA fíxonos chegar a colección de fotografías gañadoras do 2º concurso pola igualdade organizada pola Federación de ANPAs e na que había participación dos centros de Brión.
Queredes coñecer a sobras gañadoras do certame? Aquí as tedes:
CARTAZ
1º premio: Lía Sixto Bermúdez e Mariña Souto Pazó
POESÍA
1º premio: Rut Busto Domínguez "Desigualdade"
RELATO CURTO
Categoría A
1º premio: Ada Bigliani Vidal "Lúa de canela"
2º premio: Laura Sanz Fernández "Historia dos días pasados"
Áccesit: Lucía Molinos Carro "Aqueles pecados que olvidei"
Categoría B
1º premio: Daniel Pérez Kidd "Días de maio"
E algunhas imaxes da entrega de premios:
Durante esta semana temos expostos unha escolla de materiais sobre a escritora homenaxeada este ano no Día das Letras Galegas:
Xela Arias
