PRÉSTAMO ESPECIAL VERÁN

 

UN ANO MÁIS DE EPDLAB NO NOSO CENTRO

 Un ano máis, desde a biblioteca coordinamos o proxecto Epdlab de narrativas dixitais para transformar o mundo. Este ano, o grupo de 1º A foi o que tivo a sorte de participar neste proxecto coa colaboración de Nuria, a súa tiroa e Marta, a profesora de INTI. Seis obradoiros sobre diversos temas que nos van axudar a entender o mundo e sobre todo a melloralo; a experiencia do Hackaton foi estupenda e presentalo na biblioteca do centro tamén nos serviu para poñer en perspectiva todo o traballado e para dar a coñecer a experiencia ao resto do centro. 

O próximo ano repetiremos!

                

RECORDA DEVOLVER OS LIBROS

 

PRESENTANDO EPDLAB NO CENTRO

No grupo de 1º A fixemos balance do traballado este ano nos obradoiros EPDLAB con Roi e María: fake-news, sexismo, voluntariado, cooperación, etc.. e preparamos unha presentación na biblioteca para presentarlles ao resto do alumnado do centro o que fixemos durante o ano. Aprendemos moito e tamén o pasamos ben!

SEMENTANDO LECTURAS: CONSEGUÍMOLO!

 As nosas lectoras e lectores poden estar orgullosas: ler sementa vida! 

E somos as madriñas e padriños orgullosos das novas plantas e árbores que temos. 

Do día do libro ao día da biodiversidade só hai un chanzo.

 Parabéns!!!

            

GRAZAS LECTORXS!: AS VOSAS LECTURAS SEMENTAN VIDA!

 

ENCONTRO CON SUSO DE TORO

 Neste mes das letras, tivemos ocasión de recibir no centro ao gran escritor Suso de Toro, protagonista das lecturas programadas neste trimestre polo Departamento de lingua galega. Ademais de ter un encontro co alumnado de bacharelato, houbo tempo para asinar os libros e tamén para facerlle unha entrevista na nosa radio. 

Non a perdades, ademais de reflexións tamén houbo tempo para as risas.

Moitas grazas, Suso pola túa visita

OVOS LITERARIOS 2022

 Un ano máis, as nosas lecturas tomaron corpo en forma de ovos. E que marabilla! Ademais tivemos ocasión de explicar a compañeirxs e as peques do colexio como foran feitas e en que lecturas se basearon.

Parabéns, un traballo magnífico!

MANIFESTO CORRELINGUA: FÁLAME!

Xa temos o manifesto correlingua no que participamos este ano! O lema é

 Fálame!

Se recordades, estivemos coa gran Lucía Aldao traballando neste manifesto. O mesmo fixeron outros centros colaboradores e de aí saíu o manifesto que podedes ler aquí.

É un texto colectivo, resultado dos obradoiros ‘Desata a lingua’ no que participaron alumnos e alumnas de: IES Da
Pedra (Ponteareas), IES A Pastoriza (Arteixo), IES Frei Martín Sarmiento (Pontevedra), IES Nª Sª dos Ollos
Grandes (Lugo), IES de Brión, IES 12 de outubro (Ourense), IES de Pontecaldelas, IES San Tomé de Freixeiro
(Vigo).
 

ENCONTRO CON IRIA E SELENE!

 

III CERTAME CULTURAL

Xa está en marcha o III Certame Cultural IES de Brión organizado pola ANPA do noso centro. Podes consultar as bases premendo aquí

 

XA ESTÁN AQUÍ OS OVOS LITERARIOS

Un ano máis, teremos en abril exposición de ovos literarios, le ben as bases, recolle a túa tarxeta e trae a túa obra o martes 19 de abril, á volta das vacacións!

 

SEMENTANDO LECTURAS!

Este mes de abril é o mes dos libro e para nós vai ser moi especial: por cada préstamo que collas na biblioteca, daremos un vale que introduciredes nunha furna. Cantos máis vales consigamos máis plantas poderemos obter e plantar nos espazos do noso centro. 

Axúdanos a conseguilo!