Esta semana temos unha selección de lecturas LGTBI no nosos andel de novidades: porque todas as realidades deben estar presentes nas nosas lecturas podemos escoller diferentes xéneros e diversas aproximacións: relfexións, teatro, novela gráfica, relatos, poesía.... lecturas con orgullo!
O escritor Manuel Núñez Singala foi convidado polo Departamento de Galego para falar co alumnado de 1º e 2º ESO que leran os seus libros. Manuel é un dos autores máus lidos no centro, tanto nas aulas coma no club de lectura, de feito acaba de recibir o premio deste ano ao escritor máis lido nos Clubs de lectura de Galicia. En encontro moi agradable, grazas pola visita!
Un ano máis, formamos parte da comunidade Epdlab na que aprendemos a utulizar ferramentas dixitais para combatir os discursos de odio, as fake news, a traballar pola cooperación e polo medio ambiente.... a mellorar o mundo! Obradoiros impartidos por Agareso e coordinados desde a biblioteca na que sempre aprendemos moito e queremos contarllo aos demais. O próximo ano, máis!
Esta semana celebramos tamén na biblioteca o Día da bici: temos unha selección de lecturas, carteis feitos polo alumnado de francés e un obradoiro de chapas! Todo para animarte a que utilices a bici nesta semana e sempre que poidas #bibliotecasescolaresgalicia #bescolaresgal #diadabici #planlia #plambe
Hoxe é o día pero para nós son todos os días do ano! #díadasletrasgalegas #17demaio #bescolaresgal #plambe #planlia
Xa temos os primeiros mini-libros! Nesta semana podedes pasar para facer o voso propio ou agasallalo a alguén😉 #díadolibro #planlia #bibliotecascreativas #plambe
O alumnado de 1° fixo uns minilibros dinámicos chulísimos!!! Podedes ver esta exposición de miniaturas esta semana e facer os vosos! Estamos nos recreos para axudarvos;)
Utilizando o lema deste ano nas bibliotecas escolares "Escribimos na biblioteca escolar", elebramos o Día da Poesía escribindo haikus feitos polo alumnado, poemas escollidos e escritos por todos os recunchos e unha selección de lecturas poéticas para todos os gustos.
Celebramos o #diamundialdapoesía cun marabilloso recital de poemas escollidos polo alumnado de oratoria que mostrou que diversos poden ser os artefactos poéticos e que riqueza poética temos na nosa literatura! O público foi agasallado cunha pequena mostra dos poemas recitados polo alumnado que recibiu un merecido aplauso! 👏👏
Aquí o resumo do vivido neste proxecto para visibilizar o pensamento de 23 mulleres filósofas: investigación, escolla de información, montaxe da exposición, realidade aumentada, encontro con Carme Adán, visita de alumnado a coñecer a exposición, xogar co kahoot e o quiz... moito aprendemos!
