OBRADOIRO GANCHILLO!

Na nosa biblioteca hai oco para todas as aprendizaxes e saberes: por que non aprender a manexar a agulla e crear obxectos de lá? 

Atrévete, contaremos cunha monitora para que vaias paso a paso creando o teu obxecto en lá. 

Tes que reservar a túa praza, son limitadas!

 

GAÑADORAS DO CONCURSO DE MICRORRELATOS

Canta participación e que canta calidade!

Unha vez rematadas as deliberacións do xurado, decidiuse entregar tres premios aos seguintes relatos:

PRIMEIRO PREMIO: 

"Mellor estar no paro"

por Martina Sambade Formoso de 1º BAC-A

Finalista 

"Aínda tedes tempo" 

por Ánxela Sofía Angueira Carpio de 2º A

Finalista: 

"Boneca" 

por Lucía Martínez Caamaño de 1º C

MOITOS PARABÉNS ÁS PREMIADAS!

Poderedes escoitar estes relatos en Radio EmBrion!

SAMAÍN: CONCURSO DE MICRORRELATOS DE MEDO!

 

COMEZAMOS CO CLUB DE LECTURA!

 

QUERES SER VOLUNTARI@ DA BIBLIOTECA?

 

PUZZLE COLABORATIVO

Queres colaborar no puzzle colectivo?

Todos os recreos está a túa disposición

Xa tes á túa disposición un puzzle para facer colaborativamente, axúdanos a rematalo!

 

NOVOS XOGOS: EXPLORA E APRENDE

 Entre as novidades deste curso, ademais de novo mobiliario están os xogos de todo tipo que tes á túa disposición: cal che gusta máis?

Podes xogar con alguén ou escoller un xogo individual

Ou podes escoller un xogo ao que non xogaras anteriormente e descubrir que che encanta!

ENTREGA DIPLOMAS VOLUNTARIADO

 

E para comezar ben este curso nada mellor que facer entrega dos diplomas de voluntariado para o equipo do pasado ano. 

Realizaron un traballo fantástico e estamos moi content@s de poder contar con el@s, a biblioteca mellorou moito grazas a el@s! 

Parabéns!

COMEZAMOS UN NOVO CURSO!

Comezamos de novo e xa temos novidades para tod@s!

Xa podes curiosear no andel de novidades: temos comics novos, moita ciencia para divulgar, últimas estreas de narrativa galega, curiosidades da historia, filosofía e libros de lectura fácil... imos telo difícil para escoller!

E temos tamén outras novidades: novo mobiliario!

estreamos cadeiras e mesas, unha nova disposición e máis posibilidades para estar cómodas e a gusto.

A que está chulísima!!?

 

Escolas sen racismo en Radio emBRIÓN

 

Neste curso tivemos unha fantástica experiencia de aprendizaxe coa nosa radio: o alumnado de 1ºD tivo a sorte de contar cun obradoiro de radio para traballar contra todo aquelo que non nos gusta: o machismo, o racismo, as desigualdades...

 

Contamos con experiencia e o saber facer de Rocío Cadahía que nos guiou para que esta fora unha magnífica experiencia. Moitas grazas!

 

Queremos repetila o próximo curso!

Podes ver e escoitar o resultado deste traballo premendo aquí. Moitos parabéns a este alumnado e profesorado tan implicado!

E non deixedes de escoitar a nosa Radio emBRION

PRÉSTAMOS DE VERÁN

 

NARRATIVAS DIXITAIS PARA MELLORAR O MUNDO

Este curso, a Biblioteca propúxolle ao grupo de 2ºESO C  traballar no proxecto Epdlab promovido por AGARESO no que utilizando narrativas dixitais coñeceron e reflexionaron sobre temas que nos tocan a todas e todos: sexismo, publicidade, desigualdades... e aprenderon algunhas formas para mellorar o mundo que temos. 

Moitos parabéns ao alumnado de 2ºESOC, á súa titora Tania e a AGARESO por esta proposta tan enriquecedora

Aquí vai unha mostra do que fixeron:

ESTAMOS "CONECTADAS"!

 Sabedes que estamos CONECTADAS!?? 

    Seguro que xa coñecedes o gran proxecto creado polo alumnado de 2º de Bacharelato nas materias de TIC II e Tradución para a participación na 5ª edición de Wisibilízalas cos obxectivos de dar visibilidade a mulleres do noso entorno, promocionar ámbitos STEAM e o traballo en grupo a través das TIC.

    Rompendo estereotipos e visibilizando referentes femininos, das que no noso instituto estamos orgullosxs de ter unhas cantas, a que si? Podes coñecelas na magnífica web que fixeron CONECTADAS